Er vro-se, drastet he lanneier gant an avel, n'hello ket ar garantez bezañ sioul. Padal, etre yenijenn an ti kozh greunvaen e anv «Wuthering heights» ha tommder mousc'hoarzhus ar «Grange» en he liorzh kaer, e klask Cathy kaout he lodenn eus pep tra, hag e teu a-benn. Hag hi deut da vestrez er «Grange», ne vo ket dilezet gant Heathcliff, a gar anezhi abaoe atav. Pa vo-hi, gant he gwaz, er vered, e teuio Heathcliff a-benn da argas ar vuhez eus e gorf evit en em gavout en he c'hichen dindan tri zroatad douar. Evurus e yelo di ha, piv 'oar, e peoc'h goude bezañ gwelet he sell o skediñ e daoulagad Cathy, he merc'h-kaer, ha kerkoulz e daoulagad perc'henn yaouank «Wuthering Heights» p'emaint o-daou, e levenez o yaouankiz, o pennadiñ ar garantez.